Volda KFUK-KFUM-speidere

Vi er speidargruppa i Volda, der det har vore drive speidararbeid i meir enn 100 år. I dag er vi ei aktiv gruppe med om lag 100 medlemmar. Vi har aktivitetar for born og unge frå 3. klasse og oppover, og eit felles rovarlag saman med Ørsta og Dalsfjord. Basen vår er på Uppheim, men vi er for det meste ute – på tur, i leik og i aktivitetar som gir meistring og fellesskap – i all slag vêr.

Vil du bli speidar?

Likar du å vere ute? Turar i skog og mark, flammande bål, kanopadling, skattejakt, lære noko nytt, klatre i høge tårn, byggje portaler og langbord, leik og moro? Speiding gir opplevingar for livet. Bli speidar du òg!

Bli med på eit speidarmøte!

I Volda møtast speidarane nesten kvar torsdag 18:00 - 19:30. Dei fleste møta er ute – i all slags vêr. Informasjon om møta vert publisert i forskjellige Facebook-grupper.

Har du lyst til å vere med eller å teste speidaren?

Registrer deg i dette skjemaet her og bli med i Facebook-gruppa for troppen, der finner du oppmøtestad for neste møte.

Registreringsskjema

Stifinnartropp for 3. klasse - for info ta kontakt med troppsleiar Kristin 404 97 822 (eller gruppeleiar Thilo)

Stifinnartropp for 4. klasse - for info ta kontakt med troppsleiar Jon Olav 913 17 692 (eller gruppeleiar Thilo)

Facebookgruppe stifinnarar

Vandrartropp for 5.-10. klasse - for info ta kontakt med troppsleiar Thilo 468 44 098

Facebookgruppe vandrarar

Det er lurt å kome på tre møter for å finne ut om dette passer deg – hos oss er ikkje noko møte heilt likt.

Den årlege medlemskontingenten hos oss er 1 090 kroner (for 2025). Denne inkluderer mellom anna morosame speidarmøter, aktivitetsmerker, speidarskjerf, forsikring, fire medlemsblad og patruljeførarkurs.

Melder du deg inn etter 1. august, får du 50 % rabatt for det aktuelle kalenderåret. Deretter vert kvart år fakturert per e-post i februar. Er det meir enn 3 speidarar i familien, får du familiereduksjon.

Vi tek 2–5 gonger i året på overnattingstur og leir. Då betalar speidaren i tillegg ein andel for turen (omlag kr 50 - 200).

Lurer du på noko, ta kontakt med oss på e-post, Messenger eller telefon.

Følg oss gjerne òg på Facebook.

Rundt våre leirbål er det plass til alle!

Som speidar får du mange nye vener, drar på møter, turar og leirar, og har det morosamt saman med andre. Du vil få prøve nye ting, utfordrast til å ta ansvar, lærer å samarbeide og får opplevingar for livet.

Korleis? Sjå filmen frå Voldaspeidarane, så får du svar!

Alle kan bli speidar!

Speidararbeidet består av eit breitt aktivitetstilbod for born og ungdom i alle aldrar. Gjennom friluftsliv, samarbeid, vennskap og læring gir speiding opplevingar for livet.

Ungt leiarskap og gradvis større utfordringar er med på å utvikle speidarar til å bli aktive, ansvarsfulle og engasjerte medmenneske. I KFUK-KFUM-speidarar kan born, unge og vaksne utvikle seg som heile menneska – med ånd, sjel og kropp.

ALDERSINNDELING

Speidararbeidet er delt opp i fylgjande aldersinndeling med gradvis større ansvar. I Volda har vi speidarar fra 3. klasse, vi har altså stifinnarar, vandrarar og roverar i gruppa.

(Familiespeiding 0 år til skolestart)
For heile familien, med fokus på leik og læring.

(Oppdagarar 1.-2. trinn)
Leiker og drar på oppdagingsturar i nærmiljøet.

Stifinnarar 3.-4. trinn
Utforskar naturen gjennom leik og læring.

Vandrarar 5.-10. trinn
Utvidar horisonten og utviklar seg gjennom samarbeid og vennskap. På ungdomstrinnet er det auka fokus på leiartrening.

Rovarar fra fullført 10. trinn – tom. 25 år
Tida for utfordrande opplevingar og fellesskap i ein større samanheng: Lokalt, nasjonalt og internasjonalt.

Leiarar Vi tilbyr leiarutvikling for deg som er vaksen. Alle typer leiarar er velkomne: Unge, eldre, erfarne, nye, mammaleiarar, pappaleiarar - og du treng ikkje eingong ha speidarbakgrunn!

Foreldre: For å gje mest mogleg mestring til speidarane er det viktig å nå alle på kvart speidarmøte. Vi set stor pris på om foreldre kan hjelpe dersom de har høve. Ta kontakt med troppleiar.

Søk støtte

Økonomien skal ikkje vere til hinder, difor kan du søkje støtte til deltaking og utstyr hjå oss.

Søk deltakarstøtte i deltakerfondet vårt

Alle skal få molegheit til å vere med på speidarturar og leiarar, og økonomien skal ikkje vere til hinder for å delta på aktivitetane våre.

Er du 26 år eller yngre kan du, din føresette eller din leiar søkje støtte til deltaking her.

Speidersports utstyrsfond

Kjenner du nokon som ikkje har råd til å kjøpe naudsynt utstyr for å vere med i speidaren?

Les meir om utstyrsfond på speidersport.no.